Саяхан гурав дахь удаагийн Их Хянган давааны ойн мөс цасан багт наадмын нээлтийн ёслол Мөхэ хотод болж, Хармөрөн мужийн мөс цасны аялал жуулчлалын улирал эхлэв.
Мөхэ хотын Бэйжи цанын бааз нь Хятад улсынхаа хамгийн умард нутаг, хамгийн өндөр өргөрөгт байрладаг,хамгийн урт цасны улиралтай гадаанах цанын бааз болно.Цанын улирал 10-р сарын дундаас 4-р сарын сүүл хүртэл үргэлжилдэг юм. Цанаар гулгах эрт эхэлсэнтэй холбогдуулан 500 гаруй жуулчин, цанын сонирхогчид анхны цанаар гулгах өдөр хойд нутгийн цанын баазад цугларч, мөс, цасны үзэсгэлэнт байгалийг сонирхон, мөс, цасны хязгааргүй зугаа цэнгэлийг мэдрэв.
2025 оны Харбин Азийн өвлийн наадам дөхөж байгаа энэ үед жуулчдын мөс, цасан спортоор хичээллэх хүсэл эрмэлзэл нэмэгдсээр байгаа.
2024 оны 11 дүгээр сарын 1-нээс 2025 оны 4 дүгээр сарын 30-ны хооронд Их Хянган даваанд мөс цасаар сэдэвчилсэн 4 томоохон бүтээгдэхүүн, 17 соёл, аялал жуулчлалын үйл ажиллагаа, 5 аялал жуулчлалын маршрут, заавал очиж үзэх 20 газрыг танилцуулах аж. Мөн энэ үеэр Их Хянган давааны бүс нутаг өвлийн аялал жуулчлалыг хөгжүүлэх зорилгоор өвлийн мөс, цасны аялал жуулчлалын “100 хоногийн арга хэмжээ” зохион байгуулна.
