Өвөр Монголын хэвлэлийн нийгэмлэгийн Өвөр Монголын ардын хэвлэлийн хороо 11-р сарын 04-ний өдөр Монгол улсын Хөдөө Аж Ахуйн Их Сургуульд “БНХАУ-ын ном уншлагын танхим" нээлтээ хийв. Энэхүү ажиллагаа бол “Хятад улсын танин мэдэхүй" Өвөр Монголын соёлын өдрүүдийн үйл ажиллагааны нэг хэсэг юм.
Мөн БНХАУ-ын ном уншлагын танхимыг Өвөр Монголын хэвлэлийн нийгэмлэгийн Өвөр Монголын ардын хэвлэлийн хороо болон Монгол улсын Хөдөө Аж Ахуйн Их Сургууль хамтран байгуулж Өвөр Монголын хэвлэлийн хорооноос Монгол улсын Хөдөө Аж Ахуйн Их Сургуульд Хятад Монгол хэвлэлийн 401 төрөл зүйлийн 802 ном бэлэглэв. Энэ нь зургаа дах Хятад ном уншлагын танхим болно. Ном уншлагын танхим нээгдсэнээр Монгол улсын оюутан залуучууд Хятад улс ба Хятадын соёлыг ойлгох, Хятад хэл сурах чухал алхам болно.
Өвөр Монголын хэвлэлийн нийгэмлэгийн Өвөр Монголын ардын хэвлэлийн хорооны редактор Шюэ Минг хэлсэн үгэндээ:
- Бид Монгол улсад жил бүр нэг ном уншлагын танхим байгуулж, 100 төрлөөс дээш ном бичиг нэмнэ гэж төлөвлөж байна. Энэ удаа бид Хөдөө Аж Ахуйн шинжлэх ухааны мэргэжил, мал арчлах, үржүүлэх, Монгол эм эмнэлэг зэрэг чиглэлийн ном сурах бичигийг түлхүү өгч Монгол Улсын Хөдөө Аж Ахуйн Их Сургууль сургалтанд дэмжлэг үзүүлэхийг зорилоо гэж хэлэв.
Монгол Улсын Хөдөө Аж Ахуйн Их Сургуулийн оюутан Мөнхбаатар “Өвөр Монголын ардын хэвлэлийн хорооноос бэлэглэсэн эдгээр ном миний цаашдын сурлагад тун их тус дэм болох нь мэдээж” хэмээн хэлэв.
Өвөр Монголын Өдрийн сонины сурвалжлагч Юэ Ин
