10-р сарын 18-нд манай сурвалжлагын багийнхан  Мэн цоо группын Өвөр Монгол дахь ургамалын үрийн судалгааны төвд хүрч ирлээ. Энэхүү групп нь 2001 онд үүсэн байгуулагдан, 2012 онд IPO хийсэн Хятадын цор ганц экологийн нөхөн сэргэлт, өвсний үйлдвэрлэлийн чиглэлээр ажилладаг том хэмжээний групп юм.

Группын үйл ажиллагаа ургамалын үр болон хөрсний судалгаа, үрийн боловсруулалт, тарих арга зүй, машин техникийн үйлдвэрлэл зэрэг өргөн хүрээг хамрана. Бүх Хятадад нийт 15 судалгааны төв байдаг бөгөөд Төвөд, Шинжаан, Хөхнуур, Өвөр Монгол, Шанши, Юньнан зэрэг Хятадын ихэнх мужид, тухайн бүсийн онцлогт тааруулж нөхөн сэргэлт хийхдээ Хятадын ШУХ,ХАИС зэрэг 50 гаруй судалгааны байгууллага болон аж ахуйн нэгжтэй хамтран ажилладаг байна.

Судалгааны төв 2200 зүйлийн 60 мянга гаруй өвсний үр, 1.5 сая гаруй хөрсний дээжийн цуглуулгатай. Өнөөдрийн байдлаар 600 гаруй мянган га хээр талыг, уурхай, цөлийн бүсэд нийт 2.1 сая гаруй мянган га газрыг нөхөн сэргээжээ.

Мэн цоо группын машины үйлдвэр 1270 төрлийн өвс ургамалын тариалалтын машин техник үйлдвэрлэдэг, судалгааны лаборатор нь мөн олон төрлийн бордоотой, чийгтэй, шууд тарих ургамлын үр болон шимтэй малын тэжээл боловсруулдаг байна. Уг групп нь цөлжилтийн эсрэг ажиллаж буй үлгэр жишээ байгууллага бөгөөд Хятадын олон төрлийн дээд шагналыг хүртжээ.