"Ногоон ирээдүй" Хятад, Монгол, Оросын сэтгүүлчдийн хамтарсан сурвалжлагын баг өнөөдөр буюу 10- р сарын 19- ний үдээс хойш Өвөр Монголын Шилийнгол аймгийн Шулуун хөх хошууны Сангийндалай  суурингийн Гангантал багийн малчин Бүрэнцогтынд зочиллоо.

Бүрэнцогтынхон  хошууныхаа малчдыг шилдэг үүлдрийн мал малжиж, эрчимжсэн мал аж ахуй эрхлэхийг дэмжих бодолгын дагуу 2013 онд багийн бусад гурван малчин өрхийн хамт " Цацал" нэртэй  хоршоог байгуулан,шиментар үхэр малжиж эхэлсэн байна.

Одоохонд 80-аад шиментэр үхэр малжиж буй Бүрэнцогтынхон 1200 квадрат метрийн малын саравч, 1500 квадрат метрийн малын хашаа, өвс хадгалах саравч байгуулсан ба өвс хадах хоёр машин, 2 трактор, тэжээл нутаглах, зуурах, ачаалах, дамжуулах зэрэг орчин үеийн иж бүрэн арваад төрлийн машин төхөөрөмжтэй.

Бүрэнцогт малаа бэлчээрт гаргахгүй хашаалан малжих болон нутаг сэлгэн малжих аргаар, бэлчээрээ нөхөн сэргээсэн бөгөөд 2018 онд 30 шиментар үнээ худалдан авч, эрчимжүүлэн малжиж эхэлснээр малаа зарахаас гадна сүүн бүтээгдэхүүн борлуулах болжээ. Өнө болоход жилийн ерөнхий орлого 582 мянган юань, цэвэр ашиг 180 мянган юаньд хүрсэн байна.

Тэрээр экологийн тэнцвэрт байдлыг хадгалахын зэрэгцээ  орлогоо нэмэгдүүлсэн үлгэр жишээч малчдын нэг болжээ.