Хармөрөн мужийн мөс цасны урлалын дизайнер Жан Шинь Харбин хотын Багшийн их сургуулийн Мөс цасны бүтээлч дизайны туршилтын төвийн эрхлэгчээр ажилладаг. Харбины олон улсын мөс цасны анхны наадам зохиогдсон 1985 онд төрсөн тэрээр цас мөсний наадамтай зэрэг өсөж, цас мөсний урлагтай ер бусын хувь тавилантай гэж өөрийгөө үздэг нэгэн.

Харбины олон улсын мөс цасны 40 дэх наадам дахь “Цаст өндөрлөгийн ерөөл зөгнөл” бол Жан Шиний уран бүтээл бөгөөд тэрээр уг бүтээлдээ Хөхнуур Төвөдийн өндөрлөгийн цаст үзэмж ба зүүн хойд бүс нутгийн цас мөсний орныг нэгтгэн тодруулсан байлаа.

“ХКН-ын үлгэр -- Ши Жиньпиний шинэ цаг эриний Хятадын онцлогтой социализмын үзэл санааны зүүн хойд бүс нутаг дахь практик хэрэгжилт” сэдэвт сурталчлан танилцуулах хурлын үеэр Жан Шинь “Цас мөсний нөөц ч алт мөнгөн эрдэнэс юм” сэдвээр лекц уншсан байна. Тэрээр яриандаа:

- Харбины “Цас мөсний ертөнц” аялал жуулчлалын томоохон хэмжээний төслөөр хошууч болгон, зүүн хойд бүс нутгийн цас мөсний эдийн засаг хөгжиж эхэлсэн. Өнөөг болоход Хармөрөн муж, Гирин муж, Ляонин муж, ӨМӨЗО-ны өвлийн улирлын аялал жуулчлал өрнөн хөгжиж, зүүн хойд бүс нутгийн аялал жуулчлалын улирлыг уртасган, “Дөрвөн улирлын аялал жуулчлал”-ыг биелүүллээ. Хармөрөн муж нь өнгөрсөн өвөл гэхэд давхардсан тоогоор 43 сая жуулчдыг хүлээн авч, өвлийн улирлын аялал жуулчлалын орлого 10.9 тэрбум юаньд хүрсэн байна гэжээ.