“ХКН-ын үлгэр -- Ши Жиньпиний шинэ цаг эриний Хятадын онцлогтой социализмын үзэл санааны зүүн хойд бүс нутаг дахь практик хэрэгжилт” сэдэвт сурталчлан танилцуулах хурлын хүрээнд Сербийн Социалист намын албан тушаалтнуудын 15 төлөөлөгчдийн баг Өвөр Монголын Хөххотод айлчилж, 2 өдрийн аялан сурвалжилга хийсэн байна.

Зочид 10 дугаар сарын 15-ны өдөр Или сүүний бүтээгдэхүүний группийн дэргэдэх Орчин үеийн ухаалаг эрүүл мэндийн төвд айлчлах үеэр үнээний сүүний савлагааг харсан Сербийн Социалист намын Кикинда хотын хорооны дарга Игор Фехер хэлэхдээ:

- Сүүний үйлдвэрлэлийн шугам надад их гүн сэтгэгдэл төрүүлсэн. Хятадын өндөр автоматжуулсан тоног төхөөрөмж маш дэвшилтэт болсон байна. Үйлдвэрлэлийн шугамд ажилчид цөөхөн, ихэвчлэн бүрэн автомажсан машин техник ажиллаж байгаа нь үнэхээр гайхалтай юм. Үйлдвэрлэлийн шугам дээрх савлагааны тоног төхөөрөмжийн нэг хэсэг нь миний эх орон Серби улсаас ирдэг гэснийг мэдээд би их бахархсан. Технологи, тоног төхөөрөмж, үйлдвэрлэлийн үйл явц гэх мэтчилэн Хятадын сүүний үйлдвэрлэл дэлхийн хэмжээнд тэргүүн зэрэглэлд орж байгаа юм. Ирээдүйд хамтын ажиллагааны илүү их орон зай бий болохыг хүсэж байна гэлээ.