Өвөр Монголын Баруун үзэмчин хошууны Баянгол багаар нутагтай Цовоо охин балчир багаасаа зураг зурах дуртай. Цэцэрлэгт орохоосоо өмнө ээжээсээ бал цаас нэхэн зураг зурдаг байжээ. Хүн бүхэнд өөрийн гэсэн хүсэл сонирхол байдал бол Цовоо сургууль нь чөлөө тавингуут хөдөө байдаг гэртээ очин, морь унах хамгийн дуртай байдаг гэнэ. Моринд туртай байдаг болохоор морины зураг их олныг зуржээ.

Зураг зурах нь хүүхдийн сэтгэн бодох мөн сурах чадварыг ихээр хөгжүүлдэг гэдэг үнэн үг. Уран зураг нь хүүхдэд ямар нэг асуудлыг олон талаас нь харах шийдвэр гаргах мөн шинэ зүйл суралцах чадварт сайнаар нөлөөлдөг байна. Мөн хамгийн гол нь уран зургийг удаан хугацаагаар сууж, анхаарлаа төвлөрүүлэн сурах шаардлагатай байдаг учраас Цовоо охины сэтгэл санаанд сайнаар нөлөөлж, өөрийн дотоод ертөнц үзэл бодлоо чөлөөтэй бүтээлч байдлаар илэрхийлж, ангийн хүүхдүүдээсээ онцгойрон ухаалаг чанар, бүтээлч сэтгэхүйтэй болжээ. Тиймээс түний зурсан зураг нь холбон бодолт ихтэй, утга агуулга гүүн байдаг.

Тэрээр бас энэхэн бага насандаа“Тэнгэрийн хүлэг” морины сэдэвт бие даасан зургийн үзэсгэлэнгээ зохион байгуулж Өвөр Монголын нэрт зураач Б. Билэг үзэсгэлэнд нь биеэр ирж үзэн маш сайн үнэлгээ, санал зөвлөгөө өгсөн гэдэг.

БНХАУ байгуулагдсаны75  жилийн ойд зориулан, Цовоо охин улс орныхоо хөгжил дэвшлийн бэлгэдэл бүхүй зураг зуран бэлэг барьжээ.

Нүүдлийн соёл, өв уламжлалаасаа хөндийрэхгүй уран зургаараа тодорхойлж явж байгаа шинэ цагийн шилдэг охин Цовоод хичээл сурлага, уран бүтээлийн өндрөөс өндөр амжилт хүсье.

Ерөнхий редактор: Л.Наранхүү
Редактор: З.Гэгээнтуяа
Сэтгүүч: С.Саранчимэг, Ш.Хураагч
Зураглаач:  Ш.Хураагч
Эвлүүлэгч: Б.Сурнаа, Ш.Хураагч